• Wappen
Neuapostolische Kirche
Am TIeplatz
Westerfeldschule
Marktplatz
Kath. Liebfrauenkirche
Ev. Marienkirche
Amt Jöllenbeck
Blick auf die Marienkirche
Café Nostalgie
Ehemaliger Bahndamm
CVJM Heim
Heimathaus
Grafschaftsdenkmal
Gajos ehem. Meyer zu Jöllenbeck
Ehemalige WIndmühle
Grundschule am Waldschlösschen
Grundschule Dreekerheide
Upmeier zu Belzen
Spielplatz im Pfarrwald
Moschee

Jürmker kuiert Platt

luse Platt 1)

Wann diu duin aule Platt nau häs,
duine aulen Augen, dä hellen,
un wänn diu no in Holsken laupen konns,
dann widt wui us wat votellen.

Wui gaoht in Holsken örwert leuwe Faild,
sau sinngen, Schrett vo Schrett,
un votellt us wat, un dä aulen Tuin
gäoht stille met us met. ...

Wo häwwe dat niu denne,
iuse aule leuwe Platt?
Inne Scheole häwwet nich leuert,
buin Pasteoar häwwet auk nich hat.

luse Vadder un iuse Mudder
dä habt us dat metgieben.
Un wänn us dat Lierben auk da Holsken namm,
iuse Platt dat es us blieben.

 

Iuse plattduiske Sproake 2)

Dat Ravensbiarger Platt ännert sick van Duarp to Duarp. Dat Platt es ton Glück no bodenstännig, kümt ower blauts bui den jenigen an, de düsse Sproake vull un ganz vostaut. luse plattdiutsk es oine Sproake os jeude annere aok; nich meier un nich weiniger. Dat de leiwe Gott us de Sproake gieben hät, es dorümme, dat wui iuse Gedanken seggen un us domet torechte fuinen kürnt. Man glöft nich, dat met woinigen Woerden ganze Satze to seggen sent.
luse Platt es ower vullkuarmen un ruik iutstattet. dat wui de plattduitsken Sproake ton kuüren, singen und liasen briuken kürnt. Ower nur oin biartken van de vielen Sproaken up de Welt haf wui lustern konnt, os us de Mama dat erste mol in de Arme hoil. Un düsse ersten loiwen Woerde up Platt, dei wui do heurt hat, haf wui butz begriaben un bes in't heoge Oller bewart.
Wui erinnert us no an de aolen landhuiser, wo de Fenster no biuden hin upgingen un wo die Kinnerwäske no an den Hüchten hangen doin. Do wast aok no Wuin (Weiden) fo de Holsken un do wast oak de plattduisken Sproake de us jümmer stiuer un risk holt.
Ick erinner mui no an dat Küssen, dat an'n Holthaupen lag, wo ick muine ersten Liarbenstuit voschloip. Et es oll lange hiar.
Vo oinigen Joahern was dat Plattduisk to derbe un nich fuin genaog un wort dal knott os de Poggen un Üißen up de Stroade. Just iuse Generation es et todacht, uise Platt to bewahren, to erhaolen un wuider to giarben. Met jeuden plattduitsken lutdruck de voluarn goiht, sent iuse Naokurmen iarmer in iuse Sproake. Un wick olles to'n anner paBt, kürnt wui us ürwer de eolen Tuin aok blauts plattduitsk unnerheolen. luse plattduitske Sproake es doch de lutdruck van uisen Gedanken. Wui witt uise Ravensbiarger Platt besonners roigen heolen in suiner Oigenoart.
Ta de Tuit de Hanse was Plattduitsk oine Vokehrssproake. Keimen Kauplui iut Landon, Bergen oder Nowgerod mol in oine duitske Hansestadt, ümme met duitsken Kauplui Geschäfte to maken, mössen se siek bemoigen, Plattduitsk to leiern, da met man de Geschäfte afschluiden konne.
Builefeld es eok oine Hansestadt, wo to de Tuit de Hanse eok no Platt küart wauer. Ower wo lange düsse Sproake in Buiiefeld lebennig was, es schlecht näotowuisen. In den Stadtdoi!en rund ümme Builefeld wert eok dat Ravensbiarger Platt häoge häolen, wuil düt oine lebennige Sproake es.
Heimatbühnen un Gesprächskreise bemöiget sick ümme dat Ravensbiarger Platt. Oinige junge Lui häbt ower Spoass an Theaterspiarlen un leiert bui den Heimatbühnen dat Plattduitsk. Äok de Kiarken häbt sick bemöiget, dat eok da oine plattduitske Vokünnigung wuier lebennig wert. Pastoern, de van'n Biuernhoff stammt, un dat Plattduitske oll met de Modermialke insuargen häbt, surget vo oinen lebennigen Gottesdienst wo eok Plattduitsk sungen un liasen wert.
Suit dat Plattduitske met Wirkung va'n 1. Januar 1999 in de Europäisken Charta de Regional- oder Minderheitssproaken upnuarmen es, wert düsse Sproake wuier gesellschaftlichen Wert niarben den Häochduitsken häbben. Staat un Gesellschaft vopflichten sick, dat Plattduitske to bedruiben un to erhäolen. In den Lännern, de de Charta anerkinnt (Briamen, Hamburg, Schleswig-Holstein, Hannouver un MeckJenburg-Vopommern), mot oine Amtsperson suin, de up volangen oine Amtshandlung up Platt voniarmen kann. Da Nordrhein-Westfalen nich to de Charta hoiert, briugt et oak kuine Amtsperson giarben, de oine plattduitske Amtshandlung voniarmen kann.
In de Diskussiäon van vierle Luüe ümme Erhäolen un Pfliagen van Platt huier in'n Ravensbiarger Lanne gifft et vierle Voschliage un Tipps, wik un worümme man düsse Mundauart met vial Traditiäon hiargen un wahrn soll. Weiert häölen sür wui dat Ravensbiarger Platt, wuil et iutdrücket, wik wui us in iuse Kultur, in iuse Girgend un de Stuie, wo wui lierbet, sümbs vostäoht. Un gust dütt -Sümbs vostäohn- drifft doteo, sik ümme Platt Moige to girben. Det könne us äok helpen, de Globalisierung dat Woierspiarl to häolen. Iuse Sproake es derbe un'm kann vierles bescheien, fo dat et hauchduitsk keine Wörde gifft. Olles, wat van Harden kümp un to Harden geiht, lött sik platt an'n besten iutdrücken. Plattduitske vostoaht sik ümmer äok dann, wenn sik de Iutsproake van Ort to Ort unnerschoitt. Wui drürwet iuse aule Platt nich unnergoahn loaden. Et es füif Miniuden va twölwe, owwer no nich to lade. Wui send de lessten in de langen Ahnenruige, de iuse Muddersproake redden kümt. Wenn wui dat nich ferg bringet, dann stärft moiher os de aulen Mundoart, dann briarke wui met diusend Joahr Üöwerlierwerung. Oin graut Deil westfoalske Oigenoart geiht met volurn un doato hoiert auk de Humor, de an de Mundaart biunen es. Et es owwer nich genaug, wenn wui aff un an en plattduitsket Theaterstücke söiht odder en paar Spöässe votellt. Wui müöt dat Platt un iusen Updragg et to wahrn, ernst niahrmen. Auk junge Minsken sollen begruiben, datt man toerst Platt denken un foihlen un de aule plattduitske Muddersproake leiw häbhen un soi hiagen mott.
Wui witt huarben, datt 't us iuse Enkel danket. Dat Ravensbiarger Platt wert ower in Builefeld un Umgebung no kuiert un lebennig häoge häolen.


Quelle:

1) Alfred Busch
2) Herbert Sahrhage (Stadtbuch Bielefeld 2014)